Bag-ong guidelines sa GCQ sa Bukidnon epektibo na karong adlawa

Epektibo na karong adlawa, Abril 27 ang bag-ong guidelines sa General Community Quarantine sa probinsya sa Bukidnon.

Pipila sa mga mahinungdanong probisyon sa EO 21 mao ang mga musunod:

Mamahimo nang makagawas ang publiko aron maka-palit og mga panginahanglanon, apan kadtong anaa sa taas sa risgo nga katawhan, nag-edad 0-20 ug 60 anyos pataas gikinahanglang magpuyo lamang sa panimalay.


Tanang mga katawhan kinahanglang magsuot og face masks kung mugawas sa ilang panimalay. Estriktong e-obserba ang social distancing.

Ginadili gihapon ang pagtapok-tapok ug unsa mang mga religious activities.

Magpabiling bukas ang tanang establisiemento sa patigayon nga nagabaligya og nag-unang palaliton ug serbisyo.

Tanang mga establisiemento ug opisina nga magpadayon sa ilang operasyon, gikinahanglang magpatuman og temperature check, pagsuot og face masks, ug pag-gamit og alcohol.

Ang mga Mayor gikinahanglang magmugna og Inspectorate Team nga maoy mupahigayon og inspeksyon sa tanang establisyemento.

Pagatugutang makasulod sa Bukidnon ang mga trabahante ug empleyado nga nagpuyo gawas sa probinsya, apan kinahanglang mo-presentar kini og ID, Certificate of Employment o Passes, ug sertipikasyon gikan sa ilang Municipal o City Health Officer pagpamatuod nga dili siya PUM/PUI.

Tanang aktibidad sa pagpanguma ug pagpangisda gikinahanglang magpadayon.

Padayon gihapon ang operasyon sa tanang Provincial Border Checkpoints.

Dili gihapon tugutan sa pagsulod diri sa Bukidnon ang tanang dili-residente sa Bukidnon, gawas lamang sa (refer to Sec.10)

Usa ka Driver ug usa lamang ka helper ang tigutugang sakay sa matag cargo truck o sakyanan nga nagkarga og mga pagkaon ug uban pang suplay.

Gitugutan na nga maka-operate og balik ang pampublikong sakyanan apan dinhi lamang sulod sa Bukidnon. Gikinahanglan lamang nga katunga ra sa kapasidad sa sakyanan ang ipasakay nga mga pasahero ug hugot gayud nga ipatuman ang social distancing ug pagsuot og face mask.

Gitugutan na ang pag-angkas sa motorsiklo apan usa (1) lamang ang gitugutan ug myembro lamang sa pamilya o kauban sa panimalay ang maka-angkas niini. In other words, wala pa gitugutan ang pag-pamasahero.

Hugtanong ipatuman ang curfew sa tibuok probinsya gikan alas 8:00 sa gabei hangtud alas 5:00 sa buntag.

Tanang mga OFWs ug mga residenting buot muoli/mubalik diri sa Bukidnon, gitugutan na nga makasulod apan kinahanglang makapakita kini og certificate o clearance pamatuod nga mipailalum kini og 14-day quarantine. Dugang niini, ang maong indibidwal kinahanglang mupailalum na usab og 14-day quarantine pag-abot sa ilang panimalay o kaha sa ilang matag barangay health facilities aron masiguro ang seguridad sa komunidad.

Facebook Comments