Bag-ong headquarters sa Sarangani Provincial Police Office gi- turn over na

242

Sarangani Province – Bag-o na ang gambalay sa Provincial Headquarters sa Sarangani Provincial Police Office kon S.P.P.O. nahimutang sa Barangay Kawas lungsod sa Alabel.

Niaging adlaw nga Byernes, gi-turn over sa DPWH Sarangani ang bag-ong renovated nga building sa Sarangani PNP Provincial Headquarters nikantidad og P956,000, hapit pud Usa ka Milyon ka pesos (P1M).

Nasurprisa si PNP Regional Director Police Chief Superintendent Attorney Cedrick Train tungod sa nindot na nga dagway sa SPPO ikumpara kaniadto nga gamay og karaan nga building ang iyang makita. Karon, buhos nga semento na ang duha ka andana, sa pagpaningkamot matud pa ni Police Senior Superintendent Joseph Semillano.


Gidayig usab ni General Train si Governor Steve Chiongbian Solon tungod sa hugot nga pagsuporta sa mga kalihukan sa PNP Sarangani og bisan pa sa PNP Gensan nagsugod matud pa sa dihang bise-gobernador pa ang opisyal og siya ang city director sa Gensan Police Office.

Niaging Byernes, gipasidunggan pud ang mga kapulisan og mga municipal police station. Adunay nakadawat og award gitawag nga Medalya ng Ugnayang Pampulisya, Medalya ng Paglilingkod Laban sa Kriminalidad, og Medalya ng Papuri. Nakuha sa Alabel Police Station ang Best Municipal Police Station, Best in Intelligence Operation, Best in Oplan Lambat Sibat, og Best in Manhunt Charlie; Glan Police Station sa Best Police Community Relations; Malungon Police Station sa Best Personnel and Human Resource Doctrine Development, Best in Oplan Lambat Sibat og Best in Confiscated Illegal Drugs; Kiamba Police Station sa Best in Operation and Best in Confiscated Firearms; og ang Maitum Police Station sa Best Confiscated Illegal Logs og Best in Lowest Crime Volume.

Sa bahin ni Governor Solon, gisaluduhan niini ang mga kapulisan sa pagpaningkamot nga makahatag og maayo nga accomplishment, kaabag ang pito ka mga mayor. Magpadayon matud pa ang suporta sa lokal nga panggamhanan ngadto sa kapulisan og bisan pa sa kasundaluhan hilabi na ning panahon sa Martial Law ni Pangulong Rodrigo Duterte aron magpabilin ang taas nilang morale og maanaa pirme ang integridad sa pagpanerbisyo, kauban sila Senador Manny og Congressman Ruel Pacquiao, Vice Governor Elmer De Peralta og mga board member.



Nagbilin og One Hundred Thousand Pesos (P100k) cash ang gobernador aron magsilbing premyo sa paghatag sa maong mga award sa kapulisan. Tungod kay na-renovate og nindot na ang mga municipal police station sa laing unom ka lungsod sa Sarangani, lauman nga sunod mga bulan i-turn over ang bag-ong opisina para sa Alabel Police Station.

Facebook Comments