Bag-ong hepe sa Calinan tutukan ang kasong pagdagit kang Espinosa

Davao City – Mas gipalawman ang imbestigasyon ug gitutokan sa Calinan Police Station ilawom sa pagdumala sa bag-ong hepe nga si Police Major Ricky Obenza ang kaso ni Kenth Laurence Espinosa nga gidagit sa wala mailhing suspek niadtong Mayo 27,2023 sa Lacson Calinan, Davao City.

Sa interview sa DXDC RMN Davao kang Obenza, gisulti niini nga nagpatawag na siya og meeting sa iyang sakop ingon man mga barangay official sa ilang area of responsibility (AOR) sa Calinan PNP nga motabang sa paghatag og mga impormasyon.

Dugang ni Obenza, lakip usab gitutokan nila ang pagkuha sa listahan sa mga nagapalit og ombac ug establisemento nga nagabaligya sa maong matang sa behikulo aron mailhan kung kinsa ang tag-iya niini.

“Gi clustering nato kun asa padulong kining mga bao-bao, example po Toril, so lahat nang Toril na nagpurchase nang bao-bao iba din ang imbestigador nga ibutang didto. Probably yung Toril Police Station kasi mayroon tayong 4,000 na-identify na nag purchase nang vehicle na bao-bao,” sulti ni Obenza.

RadyoMaN Don Pulayao