Pagadian City – Lumad nga taga Panabo City, Davao del Norte ang bag-ong nilungkod nga hepe sa syudad sa Pagadian human gipulihan sa pwestop si Psupt. Benito Recopuerto nga nisilbi sa dakbayan sulod sa napulo ka bulan.
Ang nipuli ni Psupt. Recopuerto mao si Psupt. Alvin Saguban human mipagawas og kamanduan ang pangulo sa Zamboanga del Sur Provincial Police Office (ZSPPO).
Nanguna mismo sa gipahigayon nga change of command si Pssupt. John Gano Guyguyon nga gihimo sa Pagadian City Police Station conference room diin nitambong usab ang pipila ka konsihal sa syudad.
Gisangunan ni Guyguyon ang bag-ong hepe sa paglakag ug pagpatay sa mga gun for hire nga maoy posibleng responsable sa 50 ka kasong pagpamusil sa dakbayan.
Sa interview sa RMN Pagadian kang Saguban gibutyag niini nga andam niyang sundon ang kamanduan sa provincial director.
Mahinumduman nga Pagadian city maoy gibansagan nga shooting capital sa tibuok rehiyon 9.
