Pagadian City, Zamboanga del Sur——Dakong buhi ang usa ka bag-ong himugso nga batang lalaki human kining hikaplagi sa mga bata nga nagdula atol sa makusog nga pagbundak sa ulan. Alas 5 pasado sa hapon dihang nanabulabog ang mga residenti sa Alano Street, Barangay Santiago sa dihang usa ka batang lalaki ang giputos sa usa ka supot dayong gibutang sa usa ka cellophane gitapok kilid sa mga basurahan nga nagkaway-kaway pa ang mga kamot niini.
Sa pamahayag ni Cheryl Cahitas sa RMN-DXPR Pagadian nga sila mismo ang naghatud sa bag-ong himugso ngadto sa balay tambalanan sa dihang kini nakig-an og swerting walay iro niadtong higayona nga posebling mabugkag gyud ang lawas sa bata kung kini nakit-an pa samtang buhi pa ang bata.
Sumala pa sa mga doctor nga naghiling sa bata nga dako ang posibilidad nga mabuhi ang batang lalaki luyo nga kini pre-mature tungod nakit-an ang kahimsog sa bata nga bana-banang anaa sa pito ka bulan.
Nagpahigayon na sab og imbestigasyon ang kapulisan ingon man ang mga opisyal sa Barangay aron masuta kinsa ang nagburos sa nasangpit nga lugar og mapanubag ang iyang gihimong paglaba sa batang lalaki. (Mel Coronel/Kenneth Alvin Bustamante /dxpr News Team) Tags: RMN-DXPR Pagadian 603, Mel Coronel, Kenneth alvin Bustamante, Pagadian City
