Nakaplagan sa usa ka concern citizen ang usa ka ka bag-ong nahimugso nga batang babaye kagahapon sa hapon sa diversion road duol sa Lumina Homes, crossing Gold Star Subdivision, nga dalan sakop sa Brgy. Casisang ning siyudad sa Malaybalay.
Sa kasayuran nga gipaabot ni Joewe Galvan Tagalicod usa ka empleyado sa Bukidnon Provincial Medical Center sa RMN DXMB Malaybalay gibutyag niini nga gihatod sa usa concern citizen nga maoy nakakita sa bata ngadto sa BPMC alas 4 sa hapon kagahapon adlawa.
Sigun niya nga luwas na ang bata karong panahona ug gi-atiman na kini sa mga nurse.
Samtang sa interview sa RMN DXMB Malaybalay ngadto kang Brillalyn Sibunga sa protective services division sa Department of Social Welfare and Development kon DSWD Field Office 10 gibutyag niini nga base sa balaod na RA 7610, adunay tulubagon ang inahan nga maoy naglabay sa bata.
Apan depende matud pa sa resulta sa himoong imbestigasyon tungod kay manguha pa sila ug collateral information aron ilang mahibaw-an ang sirkumstansiya kung gituyo ba ug labay ang usa ka bata o kaha adunay deperensiya sa pangisip ang naghimo niini.
Tambag ni Sibunga sa mga adunay suliran susama niini nga dili kayang buhion o kaha anaa sa problema ug dili na ma-atiman ang bata nga muadto sa City/Municipal Social Welfare and Development Office aron matambagan ug magiyahan sa angayang himoon.
