Davao City-Nabawian na sa kinabuhi sa Southern Philippine Medical Center (SPMC) ang bag-ong himugso nga bata lalaki nga napunitan sa usa ka garbage collector sa CENRO sa may Sandawa Davao City alas 9:20 sa gabii kagahapong adlawa September 25,2023.
Sa interview sa DXDC RMN Davao kang Police Major Noel Villahermosa, ang Hepe sa Ecoland Police Station gibutyag niini nga mas gipalawman pa ang imbestigasyon sa kapulisan ug ginasubay na sab ang CCTV Camera aron nga maidentipika ang naglabay sa bata.
Segun ni Villahermosa, nakigkoordinar na ang Ecoland PNP ngadto sa Barangay Council sa Brgy.76-A sa pagtabang aron masubay kung si kinsa ang bag-ong nanganak sa nasampit nga lugar.
Gipasabot sa opisyal,kung mailhan na ang inahan nga naglabay sa bata posibleng mag-atubang kini og tukmang kaso.
RadyoMaN Don Pulayao
Facebook Comments
