Patay ang usa ka bag-ong laya human misukol sa buy bust operation sa kapulisan sa Lugait Municipal Police Station kagabie.
Ang suspect nailang si Sherwin Ladra, 31 anyos ug taga Purok 1, Lugait, Misamis Oriental.
Matud ni Police Capt. Cris Cadelina, Deputy Chief of Pulis sa Lugait Municipal Police Station nga mga alas 7:10 kagabie gihimo ang joint buy bust operation batok sa suspect sa Purok 7, Barangay Liga, Lugait, Misamis Oriental.
Nasayran nga gitunol na sa suspect ang item sa pulis nga nahimong pusher buyer sa dihang kalit nga nibunot sa armas ang suspect ug nagpabuto sa mga pulis.
Swerteng wala nibuto ang cal. 38 nga armas niini busa nibalos og pabuto ang mga pulis nga maoy gikamatay sa suspect.
Nakaangkon sa upat ka igo sa dughan ang suspect nga gideklarang dead on arrival sa Manticao Provincial Hospital.
Narecover gikan sa suspect ang upat ka sachet sa illegal nga druga nga nagkantidad sa 20-mil pesos lakip na ang 500 pesos nga buy bust money sa otoridad.
Matud ni Capt. Cris Cadelina nga bag-ong laya ang suspect tungod sa kasong motornapping sa Alubijid, Misamis Oriental samtang duna kini kasong robbery sa Lugait Municipal Police Station.
