Davao City – Mismong si PNP Chief Ronald Bato Dela Rosa ang nangulo sa Ceremonial Blessing ug Turn-over sa 23 ka mga bag-ong units sa Toyota Hi-Lux, 44 ka mga motosiklo ug 3 ka mga Man Truck ngadto sa upat ka mga probinsya sa Davao Region kansang mga recipients karong hapon sa Police Regional Office 11 Parade Ground.
Sumala ni PRO XI spokesperson PCI Andrea dela Cerna kapin kun kulang 57M ang budget sa procurement sa maong mga sakyanan.
Modawat ang Davao Occidental PPO ug 6 ka mga Hi-Lux, 10 ka motor, Davao del Sur PPO 9 ka Hi-Lux , 10 ka motor, 1 truck sa Provincial Public Safety Company, Davao del Norte PPO 1 Hi-Lux, Compostela Valley PPO 3 Hi-Lux, 10 ka motor, Regional Mobile Force Battalion 2 Hi-Lux, 1 truck ug Davao City Police Office 14 ka mga motorsiklo.
Mutambong usab karong hapona ang mga alkalde sa Laak ug Monkayo Compostela Valley Province, napulo ka mga mayor sa Davao del Sur, upat ka mga mayor sa Davao Occidental ug ang mayor sa Davao del Norte.
RadyoMaN Aimee Guinita
