Sa report sa Digos City Police Station, giila lamang ang babaye nga mao si Alyas Juv, 22 anyos. Samtang nag-swimming ang babaye sa usa ka inland resort sa Digos niadtong July 28, 2024, nakita nalang kining nalumos na sa iyahang pamilya.
Sa imbestigasyon, walay foul play ang insidente ug daghang nagtuo nga wala nalumos ang maong inahan sama sa post sa netizen nga si Mae Annie nga nagkanayong nakuyapan kini tungod sa tahi ug nakita matud pa sa CCTV camera nga nag-slide sa pool.
Post sab sa higala nga si Cyrel Samson nga wala siya magtuo nga ang baniog karon nga insidente sa Digos, iyang higala na diay nga si alyas Juv. Naluoy siya sa baby sa biktima ilabi pa nga kapin usa ka bulan pa lang kini.
Sa impormasyon, gibutyag sa amahan sa biktima ngadto sa kapulisan nga niadtong June pa kini nanganak pinaagi sa CS ug matud pa aduna na kini gibati daan.
Subay sa maong balita, pipila ka inahan ang nasubo ug nagbilin ug tambag sa sama nila CS mom nga nagkanayong kung bag-o pang panganak o opera, dili matud pa angay maglihok-lihok dayon ug siguraduhong dili matandog ug maimpeksyon ang tahi.
Sa karon, ginasubay pa sa otoridad ang kuha sa CCTV camera sa maong resort.
RadyoMaN Ivy Parido
