Gihangop sa mga opisyal sa kapolisan sa Central Visayas ang mga bag-ong lagda alang sa ipadayon nga Oplan Tokhang sugod karong Lunes Enero 29 .
Lakip sa ilang giwelcome mao ang lagda nga wa nay himoon nga Oplan Tokhang panahon sa kagabhion ug weeekend aron adunay transparensiya ngadto sa publiko .
Tuyo usab niini nga malikayan ang pag-abuso sa pipila ka polis batok niadtong mga drug personalities nga anaa ilang listahan .
Ang hepe sa Regional Operations and Planning Division sa PRO-7 ug OIC sa Cebu City Police Office nga si Sr. Supt. Julian Entoma nihulagway nga mas maayong Oplan Tokhang ang ipatuman sa kapolisan subay sa bag-ong mga lagda sa PNP.
Subay sa mando sa ilang national headquarters mopadayon na ang Oplan Tokhang karong Lunes Enero 29.
