Nisaad ang bag-ong direktor sa Police Regional Office -7 , Chief Supt. Debold Sinas nga silhigon niini ang maisip nga sagbot sa organisasyon sa PNP sa Central Visayas .
Si Sinas nihulip sugod karong adlawa ni Heneral Robert Quenery nga tua na sa Kampo Crame nadestino.
Matud ni Sinas usa sa gitahas kaniya ni PNP Chief Director General Oscar Albayalde mao ang paglimpiyo sa ilang hanay .
Nailhan si Sinas sa iyang pagka-istrikto ug mopalabay gyud sa iyang mga sakop nga makahimo ug salaud samtang nagserbisyo .
Gani nasampolan dayon niya kini ngadto sa usa ka sakop sa PNP Crime Lab -7 nga nagpositibo sa ilegal nga drugas atol sa kinalit nga drug test sa niaging semana .
Wa maglangan ug gitangtangan dayon kini ni Sinas ug tsapa sa PNP ug giimbargohan ug armas.
Human usab sa flag raising ceremony kaganinang buntag sa PRO-7 headquarters gipakalitan dayon ni Sinas ug drug test ang iyang mga sakop ug gipasidan-an nga ang mapositibo ani, iyang panganlan aron pagpahibawo sa katawhan nga adunay pulis nga adik.
