Naglaum ang katawhan nga dili magamit sa pulitika ang bag-ong nilingkod nga Regional Director sa PNP dinhi sa Rehiyon IX Zamboanga peninsula.
Kahibaloan nga pormal nang milingkod si PCSupt Emmanuel Licup isip bag-ong derektor nga hulip ngadto kang PCSupt Billy Beltran nga moretiro na karong sunod bulan Oktubre 2018.
Mismo si PNP Chief Oscar Albayalde ang nangulo sa turn-over of command didto sa Camp Colonel Romeo A. Abenda Dakbayan sa Zamboanga niadtong adlawng lunes Setyembre 10, 2018.
Gitambugan kini sa dagkong mga opisyal sa PNP Zamboanga Peninsula ug pipila usab ka mga opisyales sa kalungsuran gikan sa probinsya sa Zamboanga del sur, Zamboanga Sibugay, ug Zamboanga del norte.
Ang maong kamanduan gikan sa taas nga mga reshuffle ug regional directors sa Mimaropa ug Zamboanga.
Niadtong Setyembre 7, 2018 si PNP Chief Dir. Gen. Oscar Albayalde iyang gibutang nga bag-ong hepe sa Mimaropa si Southern Police District chief Tomas Apolinario, Jr. iyang gipulihan si Chief Supt. Emmanuel Licup nga I destino dinhi sa Zamboanga Peninsula hulip kang retiring Chief Superintendent Billy Beltran.
Epektibo ang iyang paglingkod isip taas nga opisyal sa PNP dinhi sa Rehiyon 9 sugod niadtong adlawng martes petsa 11, 2018.
Dakong hagit kini karon alang sa bag-ong hepe sa rehiyon tungod kay aktibo ang mga lawless element nga galihok dinhi sa tibuok zamboanga peninsula ug ilabi na nga nagkaduol na usab ang eleksyon.
Daghan naglaum nga katawhan nga dili unta magpagalong si Chief Licup sa mga pulitkong lampingasan o si bisan kinsa nga gusto mogamit kaniya inig abot sa piniliay sa tuig 2019.
