Davao City – Hapsay ug malinawon ang Simbang Gabi dinhi sa syudad sa Davao pinaagi sa mas istriktong pagpatuman sa Davao City Police Office (DCPO) sa Safety and Health Protocols sa tanan simbahan atol sa Simbang Gabi.
Sumala ni Police Captain Rosario Aguilar, DCPO Spokesperson human nahinabi sa DXDC RMN Davao nga namatikdan gyud ang kalahian sa Misa de Gallo sa matag simbahan gumikan dili pwedeng magtapok ang mga tao ug kinahanglan ipatuman ang social distancing, pagsuot og face mask, face shield, paglimita sa choir members sulod sa simbahan gani wala gitugotan nga makaadto sa simbahan ang mga nag edad og 65 pataas ug mga menor de edad.
Matud ni Aguilar, mikooperar man ang katawhan sa gipatumang health protocols ilawom sa General Community Quarantine (GCQ) sa dakbayan.
Gipaabot usab ni Aguilar ang mensahe sa kwerpo sa DCPO ngadto sa mga Dabawenyos nga atong saulogon ang Pasko ug pagsugat sa Bag-ong tuig uban ang mga pamilya, mga minahal sa kinabuhi ug sa pangaliya nga magpabilin nga lig-on ang atong panglawas kun layo sa mga sakit.
RadyoMaN Don Pulayao
