Posible nga mangin masubo ang bag-ong tuig sang mga jeepney drivers kag operators bangud sang jeepney modernization program sang Duterte administration nga ipatuman na sa tuig 2018.
Suno kay Mr. Edgar salarda sang Piston Panay, mahimo nga mawad-an sang palangabuhi-an ang mga operators ilabi na ang mga jeepney drivers sa tion nga i-phase out na sang gobyerno ang mga jeep nga naga-edad 15 anyos pataas.
Dugang pa niya nga indi maka-igo ang financial assistance sang gobyerno agud makabakal sang isa ka unit sang moderno nga salakyan bangud tuman ini kamahal para sa mga operators.
Sa karon, ila itugyan sa mga pumuluyo ang paghusgar sa jeepney modernization program sang Duterte administration agud mahibaluan sang tanan ang mangin epekto sini sa pang-adlaw-adlaw nga pangabuhi sang mga pumuluyo.
(photo from web)
