Gin-agaw sang wala nakilal-an nga mga kawatan ang bag sang isa ka senior citizen , samtang nagasakay sa tricycle sa bahin sang Doña Lourdes Subd, Brgy Zone 2, Koronadal City, South Cotabato, kahapon sang aga, Agosto 19, 2021.
Sa imbestigasyon sang Koronadal CPS, ang biktima nga si Ofelia Salcedo Sapiter, 61-anyos kag residente sang Purok Pag-asa, Brgy Sto. Niño, Koronadal City ang sakay sa tricycle halin sa Mlhullier Balmores Branch, Brgy. Zone 2 padulong sa Panabo Cooperative sang duha ka wala nakilal-an nga mga suspek sakay sa NMAX motorcycle wala sang plate number ang nag-agaw sang bag sang biktima.
Nahibaluan nga ang bag sang biktima ang may unod nga assorted IDs, mga importante nga dokumento kag kwarta nga nagakantidad sang P35, 000.00.
Gilayon naman nga nagpalagyo ang mga suspek sa wala nahibaluan nga direksyon.
Nagpatigayon naman sang hot pursuit operation ang kapolisan sa posible pag-aresto kag kilala sa mga suspek.
