Davao City – Naalarma ang mga katawhan human gibilin ang usa ka bagahe nga color black army pack bag human nakit-an alas-9:00 sa buntag kagahapon didto sa gawas sa usa ka Small Town Lottery outlet sa may Uyanguren ning siyudad sa Davao.
Sumala sa report sa kapulisan, na-alarma nalang ang katawhan human nakit-an ang usa ka bagahe sa gawas sa maong lugar hinungdan nga daling nanawag si PO3 Maniego kinsa nagpatrolya niadtong tungora ngadto sa mga personahe sa Bomb Squad ingon man SWAT assistance aron sa pagsusi sa maong bagahe.
Apan taud-taud, niduol si Alibassier Sembrano, 25 anyos, usa ka security guard, nagpuyo sa Brgy. 23-C ning siyudad, ug miangkon sa maong butang.
Gani gina-imbestigahan na karon sa kapolisan sa Sta. Ana ang mga indibidwal kansa nagbilin sa ilang mga bagahe diin kahinumdoman duha na ka mga unattended bags ang nakit-an sa milabay’ng semana.
Pagamultahan ang mga nanag-iya og bagahi human nakalapas sa Anti-unattended Bag Ordinance nga gipatuman ning dakbayan.
RadyoMaN Don Pulayao
