Bagkay nga nasapwan nga nagalutaw sa suba, igapaidalom sa autopsy suno sa pamilya

Roxas City, Capiz – Igapaidalom sa autopsy ang bangkay ni Andrew James Clores, ini ang ginpahayag sang iya pamilya sang mapakig-angutan sang DYVR RMN Roxas. Suno sa amay sang biktima, apisar sang pagpati sang mga ini nga wala sang foul play sa kamatayon sang anak, igapaidalom sa gihapon ini sa autopsy agud makasegurado.
Sa madumduman nga nasapwan nga nagalutaw na kag wala na sang kabuhi ang 25 anyos nga si Andrew James Clores sang nagligad nga adlaw sang Martes, sa suba nga sakop sang Brgy. Tanza, Roxas City.
Ang nasambit nga biktima, residente sang Urban Poor Brgy. Banica, syudad sang Roxas. Wala man sang may nakita nga pilas ukon mga lagob sa lawas sang biktima sang ginkuha ini sa tubig sa amo nga suba. Nahibaluan nga madugay na nga ginabatyag sang biktima ang balatian nga biling kag masami man ini nga gina-atake.

Facebook Comments