Sumala ni Barangay Kapitan Chelo Canares, sa Barangay Bago Gallera nga ilang paminawon kun unsa ang plano sa Deca Homes Management sa hangyo sa mga residente nga pahugtan ang seguridad aron wala nay mosunod kang Lilian Del Campo Nieva ang biktima sa pagpatay sa wala pa mailhing suspek sulod sa subdivision.
Matud ni Canares nga makig koordinar sila sa Management aron iplastar ang seguridad diin ang Barangay gihangyo sa mga homeowner nga mupahigayon ug ronda sulod sa subdivision pinaagi sa mga Barangay Tanod.
Kahinumduman nga niadtong Indignation and Prayer Rally nga gipasiugda sa mga homeowner ilang gihangyo ang mga opisyal sa Barangay nga hatagan ug solusyon ang mga krimen nga nagapanghitabo sa Deca Homes susama sa kawat ug niining bag-o usa ka homeowner nga gisulod sa balay ug gipatay.
RadyoMaN Erin Lumosbog
