Ilang barangay sa Dagupan City ang nagpatupad ng bagong opisyal na format ng mga sertipiko bilang bahagi ng pagsunod sa Anti-Epal Law, na naglalayong itaguyod ang transparency, accountability, at propesyonalismo sa serbisyo publiko.
Kabilang sa mga nakiisang barangay sa hakbang na ito ang Barangay Bolosan at Barangay Mamalingling.
Ayon sa mga opisyal, ang pagbabago sa format ng sertipiko ay naglalayong panatilihing institusyonal at neutral ang mga opisyal na dokumento. Nakatuon ito sa serbisyo sa mamamayan at hindi sa personal na promosyon ng sinumang opisyal, alinsunod sa prinsipyo ng Anti-Epal Law.
Ang Anti-Epal Law, o Republic Act No. 11315, ay nagbabawal sa paggamit ng pangalan, larawan, o imahe ng mga opisyal ng gobyerno sa mga proyekto at serbisyo na maaaring ituring na pampersonal na promosyon.
Layunin nitong matiyak na ang mga programa at serbisyong pampubliko ay nananatiling para sa kapakanan ng publiko at hindi para sa political mileage ng sinuman.
Sa pamamagitan ng hakbang na ito, inaasahan ng mga barangay na mas mapapalakas ang tiwala ng mga mamamayan sa lokal na pamahalaan. Ang pagsunod sa Anti-Epal Law ay isa ring hakbang patungo sa mas propesyonal, patas, at responsableng serbisyong pampubliko sa Dagupan City. |𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
