Manila, Philippines – Usap-usapan ngayon sa social media ang bago daw karelasyon ng aktres na si Andi Eigenmann.
Bagaman at wala pang direktang pag-amin kung boyfriend na niya ang isang non-showbiz guy naging makahulugan naman ang birthday message nito para sa lalaki na ipinost niya sa instagram.
May ilang article na ring lumabas online na “in a relationship” na si Andi.
Nakilala naman ang bagong boyfriend daw niya na si Philmar Alipayo, tubong-Siargao at kauna-unahang champion ng Philippine surfing championship tour men’s division noong 2017.
Nabatid na masaya daw ang dalawa sa mga oras na magkasama sila at kanila itong ipinapakita sa kani-kanilang social media.
Matatandaan na ang huling naging nobyo ni Andi ay ang modelong si Emilio Arambulo kung saan naghiwalay sila nito lamang buwan ng Hunyo.
