Manila, Philippines – Ipapasa na ngayong araw ni outgoing Philippine National Police Chief Director General Ronald Bato Dela Rosa ang kaniyang pwesto kay incoming PNP Chief Director Oscar Albayalde.
Pangungunahan ni Pangulong Rodrigo Duterte ang turn over ceremony.
Ayon kay Albayalde, nakakaramdam na siya ng pressure dahil sa mga expectations sa kanya ng Pangulo, classmates at ng taumbayan.
Nabatid na parehong mula sa PMA ‘Sinagtala’ Class of 1986 sina Dela Rosa at Albayalde.
Sinabi naman ni Albalayde na inaaasahan na niyang mahaharap kaagad siya sa mga mabibigat na issue tulad ng alegasyon ng human rights violation sa ilalim ng war on drugs ng gobyerno, ang paglilinis sa kanilang hanay, at ang nawawalang milyon-milyong budget ng Special Action Force (SAF) commandos.
