Inaasahang tutumbukin ng Typhoon Ambo ang Burias Island.
Bago ito, huling nag-landfall ang bagyo sa Ticao Islands sa Masbate kaninang madaling-araw, at unang tumawid sa Dalupri Island, Northern Samar at sa Capul Island, Northern Samar.
Sa huling weather bulletin ng DOST-PAGASA, huling namataan ang bagyo sa layong 55 kilometers Silangan – Timog silangan ng Juban, Sorsogon o 30 km Hilaga – Hilagang Kanluran ng Masbate, City.
Napanatili nito ang lakas ng hanging aabot sa 130 kilometers per hour at pagbugsong nasa 180 kph.
Kumikilos ang bagyo pa-hilangang kanluran sa bilis na 15 kph.
Nakataas ang Tropical Cyclone Wind Signals sa sumusunod:
SIGNAL NUMBER 3
Sorsogon
Albay
Masbate (kasama Ticao Islands)
Catanduanes
Camarines Sur
Camarines Norte
Marinduque
Katimugang bahagi ng Quezon
Kanlurang bahagi ng Norhtern Samar
SIGNAL NUMBER 2
Katimugang bahagi ng Aurora
Pampanga
Nueva Ecija
Tarlac
Bulacan
Metro Manila
Cavite
Batangas
Laguna
Rizal
Natitirang bahagi ng Quezon
Romblon
Natitirang bahagi ng Northern Samar
Hilagang bahagi ng Samar
Biliran
SIGNAL NUMBER 1
Cagayan
Isabela
Nueva Viscaya
Quirino
Ilocos Norte
Ilocos Sur
La Union
Pangasinan
Apayao
Kalinga
Abra
Mountain Province
Ifugao
Benguet
Zambales
Bataan
Natitirang bahagi ng Aurora
Oriental Mindoro
Hilagang bahagi ng Eastern Samar
Hilagang bahagi ng Leyte
Natitirang bahagi ng Samar
Hilagang-silangang bahagi ng Capiz
Hilagang-silangang bahagi ng Iloilo
Hilagang bahagi ng Cebu
Asahan ang malalakas na bugso ng hangin at buhos ng ulan sa Masbate lalo na sa Ticao at Burias Islands.
Magdamag din ang katamtaman hanggang sa malalakas na ulan sa Bicol Region, Quezon, Northern Samar, Marinduque, Laguna, at Rizal
Mararamdaman na ang malalakas na ulan mamayang gabi sa Northern Quezon, Bulacan, Nueva Ecija, Aurora, Nueva Viscaya, Quirino, Isabela, Cagayan, Ifugao, Mountain Province, Kalinga, Apayao, at Benguet.
Nagbabala rin ang PAGASA ng storm surge o daluyong na may taas na dalawang metro sa mga baybayin ng Catanduanes. Camarines Sur, Camarines Norte, at Quezon.
