Hindi inaalis ng DOST-PAGASA na lumakas ang tropical depression ‘Jenny’ bago tumama ng kalupaan.
Huling namataan ang bagyo sa layong 395 kilometers east northeast ng Virac, Catanduanes.
Napanatili nito ang lakas na nasa 55 kilometers per hour at pagbugsong nasa 70 kilometers per hour.
Bumilis ang kilos ng bagyo sa 25 kilometers per hour.
Nakataas ang tropical cylone wind signal number 1 sa:
Cagayan
Isabela
Quirino
Nueva Vizcaya
Apayao
Abra
Kalinga
Mountain Province
Ifugao
Benguet
Ilocos Norte
Ilocos Sur
La Union
Pangasinan
Aurora
Nueva Ecija
Tarlac
Zambales
Bataan
Pampanga
Bulacan
Metro Manila
Rizal
Hilagang bahagi ng Quezon (kasama ang Polillo Islands)
Cavite
Laguna
Camarines Norte
Hilagang bahagi ng Camarines Sur
Catanduanes
Kaya asahan ang madalas na malalakas na pag-ulan sa Bicol Region, Samar Provinces, Quezon, Bulacan, Nueva Ecija, Aurora, Nueva Vizcaya, Quirino, Isabela at Cagayan.
May paminsang malalakas na ulan sa Metro Manila, nalalabing bahagi ng Luzon at Visayas, Zamboanga Peninsula, Northern Mindanao at Bangsamoro Region.
Ayon kay DOST-PAGASA weather specialist Meno Mendoza – ang bagyo ay inaasahang magla-landfall sa Aurora mamayang gabi.
Palalakasin din ng bagyo ang hanging habagat na makakaapekto sa Visayas at iba pang lugar sa Luzon.
Inaasahang lalabas ang bagyo sa Huwebes.
