Sumala ni OCD-RDRRMC XI Focal Person Franz Irag, naglandfall ang Bagyong Kabayan sa Manay Davao Oriental pasado 9:00 sa buntag ug pagka-hapon migawas ang Tropical Storm paingon sa Central Visayas diin gilauman mogawas sa Philippine Area of Responsibility karong Disyembre 20, 2023.
Sigun ni Irag, nagbilin og danyos, baha, ug dahili sa yuta sa mga lungsod sa Davao Oriental, ang bagyo tungod sa pagbundak sa ulan atol sa paglandfall.
Sa datos, 4 ka Barangay sa Davao De Oro, 5 sa Davao Oriental ang nabahaan diin kapin 400 ka pamilya o dol-an 2 mil ka residente ang apektado sa baha.
Samtang, duha ka tulay ug tulo ka dalan sa Davao Oriental ug Davao de Oro ang dili maagian, gumikan sa baha apan human sa pila ka oras gipaagian ra usab dayon ug tulo ka pantalan ang gisuspende ang operasyon.
Dili pa masuta kon pila ang kinatibuk-ang danyos sa mga imprastraktura, balay ug kaumahan nga nadaot nunot sa bagyong Kabayan.
Giklaro pa ni Irag, ang una nang gikatahong namatay walay kamatooran tungod na missing kini human gianod sa baha.
Karong adlawa, magphigayon og rapid damage assessment, ang Provincial Disaster Risk Reduction Management Council sa gimugnang kadaot sa bagyong Kabayan.
RadyoMaN Joel Viray
