Basi sa Weather Forecast sa PAGASA ganihang 4:00 sa buntag, walay bagyo o Low Pressure Area (LPA) sulod sa Philippine Area of Responsibility (PAR). Ang Northern Mindanao dili apektado sa HABAGAT (Southwest Monsoon) apan maka-sinati sa panalagsang pagdag-um ngadto na sa madag-umon nga kalangitan inubanan sa pat-ak pat-ak nga pag ulan, kilat ug pagpanalugdog tungod sa “localized” thunderstorms.
Ang sentro sa Bagyong (Typhoon) “MANGKHUT” (kanhing OMPONG) anaa na sa 480 km Kasadpan Amihanang-kasadpan (West Northwest) nga bahin sa Laoag City, Ilocos Norte GAWAS sa PAR. Kini adunay kakusgong 145 kph ug paglihok nga 25 kph Kasadpan Amihanang-kasadpan (West Northwest) ganihang 4:00 sa buntag.
Kasarangan (moderate) ngadto sa kusog (strong) nga hangin gikan sa Habagatan (South) maoy mo-resulta sa 1.2 – 2.8 meters nga balud sa kadagatan sa Northern Mindanao.
Walay pag ulan sa CDO karong orasa.
Walay natala nga pag ulan sa Libona; Mampayag, Dahilayan ug Lindaban, Manolo Fortich.
(Kining mga lugara mao ang tinubdan sa tubig nga makapabaha sa Lapasan paingon sa Bugo)
Walay pag ulan usab sa Talakag ug Baungon karong orasa.
(Kining mga lugara ang makapasaka sa tubig sa suba sa Cagayan)
NORMAL ang LEVEL sa tubig sa mga suba sa Cagayan ug Iponan.
CDRRMD pabilin sa pag monitor.
-CDRRMD-
