Davao City – Padayong karong gina-assess sa Local Disaster Risk Reduction and Management Office (DRRMO) sa Don Marcelino, Davao Occidental ang damyos resulta sa kusog nga hangin dala ni Bagyong Paeng.
Sa interbyu sa DXDC RMN Davao kang Diomher Nabalos, personahe sa Local DRRMO sa Don Marcelino, gisaysay niini nga sa 15 ka Barangays, na-report na sa ilaha ang Barangay Dalupan ug Barangay Baluntaya diin pipila ka mga balay ang naguba tungod sa kusog nga hangin niadtong Huwebes sa gabii (Oktubre 27, 2022).
“Bale ang damages nga ilang na-report, mga atop daw nangalangkat tungod atong hangin. Kadtong nahitabo ‘tong una, mao ‘toy daghan og damage gyud,” sulti ni Nabalos.
Saysay sa CDRRMO personnel, ilaha usab dayong itunol sa Local Government Unit (LGU) pinaagi sa Department of Social Welfare and Development (DSWD) ang resulta sa assessment o kung pila ang apektado aron kini gilayong matunolan og tabang o ayuda.
RadyoMaN Kirby Manzon
Facebook Comments
