Davao City – Taliwala sa makusog sa bagyong ‘Vinta,’ nakasinati usab ang katawhan sa Barangay Poblacion sa munisipalidad sa Banay-banay sa usaka sunog kaganihang alas-2:20 sa kadlawon.
Base sa inisyal nga report sa Civil Military Operations (CMO), lima ang patay ug gituhoang ‘faulty wiring’ bunga sa natumba nga poste ang posibleng rason sa maong insidente base sa pasiunang imbestigasyon sa Bureau of Fire Protection (BFP-Banaybanay)
Sa pikas bahin, gikansela sa Philippine Coast Guard (PCG) Davao Station ang byahe sa ruta gikan sa may Sta. Ana Wharf patabuk ug pabalik sa Talicud Island ug Kaputian sa Island Garden City of Samal (IGaCoS).
Mientras gipadayon ang byahe kaganihang alas-6:30 sa buntag ang mga byahe gikan DAVSAM ug Km11 paingon sa Babak ug MAEWESS padulong sa may Kinawitnon Wharf.
Hinoon, posibleng magbag-o ang ilang advisory basi sa latest updates gikan sa Philippine Atmospheric, Geophysical and Astronomical Services Administration (PAGASA).
RadyoMaN Jason Amisola
