Davao City – Temporaryong gipahikling sa Gym ug evacuation areas sa Digos City ang anaa sa kapin 200 ka mga pamilya human naapektuhan sa baha gumikan sa kusog nga ulan kagabii (June 29, 2020).
Sa report sa City Disaster Risk Reduction and Management Council kun CDRRMC, apektado ang mga brgy. sa Digos sa Cogon, Dawis, Sinawilan ug mga kasikbit nga lugar.
Ning orasa sa pagsulat sa balita, wala hinuoy gikareport nga naangol, samdan sa nahitabong baha subay sa report sa otoridad apan pipila ka mga balay ang nangaguba.
Karong buntaga, base sa pagpanubay sa CDRRMC, naguba usab ang hanging bridge nga nahimutang sa Sitio Riverside to Sto. Rosario, Brgy. Ruparan ug dili na kini maagian.
Sa inisyal nga impormasyon nga nakuha sa DXDC RMN Davao kang Atty. Nikolo Cortez, information officer sa Digos, kasamtangan pa sila karong nagapulong bahin sa sitwasyon sa ilang syudad.
RadyoMaN Renz Barbarona
