Roxas City – Guinapatutukan ni Roxas City Mayor Ronnie Dadivas kay Engr. Rosano Anisco ang problema sang pagbinaha sa kabug-usan nga syudad sang Roxas.
Ini matapos ang mabaskog nga pagbubo sang ulan kahapon nga nagresulta sang baha sa mga mayor nga dalanon kaangay sang Burgos, Roxas Avenue, Plaridel St , Brgy. Lawaan, Balijuagan kag iban pa nga lugar.
Kadungan sini, guinapabantayan man sang alkalde kay Engr. Anisco ang declogging operation kag guinpanugyan diri ang pagpakig-angut kay CDRRMO OIC Head Mr. Ruel Bergantino sa pag determinar sang mga lugar nga balahaan sa syudad.
Guinmando man sini kay Liga ng mga Barangay President Virgillio Santos nga hingyuon ang tanan nga mga Brgy. Kapitanes sa pagkooperar sa declogging operation pinaagi sang ila mga katapo sang BPAT kag pumoluyo sang tagsa ka kabarangayan.// RCCG
