Davao City- Gitagaan og aksyon sa City Health Office ug Bureau of Fire Protection XI ang reklamo gikan sa mga residente sa DBP Maa kalabot sa lain nga baho gikan sa nasunog nga NCCC Mall of Davao.
Sa interbyu sa Dxdc Rmn Davao gibutyag ni CHO head Josephine Villafuerte nasayran nga ang mga nangalata ug nabulok nga mga pagkaon sulod sa maong establisyemento ang hinungdan sa maong baho.
“Mga pagkaon na nga nabulok ug wala na makuha ug mao ng cause sa flies then naa nay mga maggots,” matud ni Villafuerte.
Samtang magpahigayon og flushing operation ang sa BFP XI sulod sa maong naugdaw nga mall.
Sumala ni Bfp XI Director Wilberto Rico Neil Kwan Tiu nga gihatagan sa Anti-Arson Task Force og clearance ang mga personahe sa NCCC Mall nga makasulod aron mutabang og habwa sa mga nabulok nga mga wet market goods.
“Inadvise-an na sila to start cleaning the perishable goods na nangangamoy na and tomorrow one team coming from BFP will go para mag-flushing,” sumala ni Kwan Tiu.
Sa pikas bahin giawhag ni Department of Health XI Regional Director Dr. Abdullah Dumama jr. ang mga residente nga magsol-ob og mask aron dili makahanggab sa baho nga makadaot sa panlawas.
RadyoMaN Aimee Guinita
