Bajada PNP nakig alayon sa barangay human sa pagpatay sa ex-army sa Agdao

Davao City – Mas gipalawman sa Bajada Police Station (PS) ang imbestigasyon sa motibo sa pagpusil-patay sa ex-army nailang si Gerardo Sardan Katigbak, 36 anyos, alias Titing, residente sa Mutual Homes Buhangin, Davao City.

Sa interbyu sa DXDC RMN Davao gisaysay ni Police Major Antunio Luy, Station Commander sa Bajada Police Station nga nakig-alayon na kini sa mga civic organization ug mga opisyal sa nasampit barangay aron nga motabang madakpan ug mailhan ang mga suspek nga naghimo sa krimen.

Segun ni Luy nga magduha pa lang ka semana nagpuyo sa maong barangay ang biktima ayha nahitabo ang pagpamusil kaniya.

“Nahitabo kini sulod sa iyang tindahan sa Brgy.R Castillo didto siya gitirahan sa mga mamumuno,” sulti ni Luy.

Gidugang sa opisyal, daghan angulo ang gilantaw karon sa mga awtoridad ug nagpadayon ang hot pursuit operation.

Kahinumduman gipusil patay si Katigbak sa gipanagiyahan nini nga sari-sari store sa Lakandula St.,cor.,Jerome Ext., Brgy. R. Castillo Agdao, Davao City alas 9:30 sa gabii niadtong adlawng Myerkules, May 17, 2023.

RadyoMaN Don Pulayao