Roxas City, Capiz – Gindisesyonan na gid lamang nga katayon kag paamutan ang baka nga rason sang pagkadisgrasya sang duha ka mga salakyan sa bahin sang Pueblo de Panay sakop sang Barangay Lawaan, Roxas City.
Mahibaluan nga pilason ang driver nga si Leo Anthony Bauson y Japsay, 54- anyos kag backrider sini nga si Milagros Panson y del Rosario nga lunsay mga residente sang Barangay Lawaan, Roxas City matapos nga aksidente nga nabunggo sa gulpi nagtabok nga baka.
Samtang, alas 10 sang gab-i sang naaksidente man ang Navarra pick up nga ginamaneho ni Rey Aguilar y Aguirre, 48- anyos sang Barangay Baybay, Roxas City sang gulpi man nga nagtabok ang panong sang mga baka sa karsada.
Ginpanawagan naman ni Mr Rolando Anisco, security head sang Pueblo de Panay sa mga residente nga naga- alaga sang baka sa amo nga lugar nga himuson ang ila nga mga kasapatan agud malikawan ang aksidente sa dalan.
📷 ctto
