Bakante nga posisyon sa Sangguniang Kabataan dapat nga pun-an na

55

Dapat mapun-an na ang mga bakante nga posisyon sa 2018 sangguniang kabataan elections pag-abot sang katapusan sang Enero.

Suno kay DILG City Director Atty. Ferdinand Panes, ang indi makatuman nga sangguniang kabataan sini nga mando, indi maaprubahan ang ila 2019 proposed budget.

Pahayag ni Panes indi pagbatunon sang DILG ang 2019 proposed budget sang tagsa ka SK nga indi kumpleto ang pirma sang SK officials.

Ginhimo nga balasehan ni Panes ang SK reform act kag DILG memorandum circular 2018-212 nga ginpaggwa sadtong Disyembre 26 angut sa conduct sang election.

Antes ang election may special registration pa para sa mga qualified nga magboto ukon ang naga-edad sang 15-30 anyos kun sa diin ang mga nagaedad lang sa 18 -24 anyos ang pwede makapapili sa SK elections.

Diri sa syudad sang Iloilo masobra sa 300 ka bakante nga SK positions bangud ang iban wala sang kandidato samtang may nagresign naman pila ka bulan matapos ang election.

Ang barangay Libertad-Sta. Isabel sa Jaro ang wala sang SK officials samtang ang Tanza Timawa wala naman sang SK Chairman.

Photo From web

Facebook Comments