Nagpadayon ang posting sa mga bakanteng trabaho diha sa Public Employment Services Office sa Misamis Oriental.
Gamit ang social media particular ang Facebook.com, mamahimong mangita og trabaho ang job hunters pinaagi sa PESO.misamisoriental.
Gituyo kini aron malikayan ang pagdasok sa mga aplikante sa buhatan sa PESO agi’g pagsunod sa social distancing isip preventive measure sa pagtakboy sa COVID-19.
Dali ra ang paagi sa pag-apply, kung dunay naangayan nga for-hire o job vacancies, mag-message lang sa employer gamit ang ilang FB page o e-mail address aron magiyahan sa mosunod nga instruction.
Matud ni Ms. Zorobabel Rabe, dili angay magpaapekto sa COVID-19 ug magsalig na lang sa hinabang sa gobyerno busa mihatag sila og oportunindad sa mga nangita og trabaho.
Kaabag sa PESO ang Department of Labor and Employment ug Overseas Workers Welfare Administration sa ilang mga programang panginabuhian taliwala ning pandemya.
