Kabankalan City – Dalawa ang patay sa nangyaring engkwentro sa pagitan ng militar at rebeldeng grupo sa barangay Tan-awan, Kabankalan City.
Ayon kay 303rd Brigade Commander Colonel Eliezer Losañez, dalawa sa mga napaslang ay sundalo ng 62nd Infantry Batallion habang walo ang sugatan sa hanay ng militar.
Nakasagupa ng tropa ng pamahalaan ang nasa animnapung miyembro ng New Peoples’ Army (NPA).
Nagpapatuloy ang clearing operation ng militar sa lugar.
Naniniwala si Losañez na ang rebeldeng nakaharap ng militar ay siya ring responsable sa panununog sa construction equipment at bunk houses na itinatayo sa lugar.
Facebook Comments
