Target niini ang libreng pagpanghatag og Measles-Rubella (MR) ug Tetanus-Diphtheria (Td) vaccine alang sa tanang Grade 1 ug Grade 7 nga estudyante, samtang ang Grade 4 nga mga babaye gihatagan usab og Human Papillomavirus (HPV) vaccine aron maprotektahan sila batok sa cervical cancer.
Gipangulohan sa Department of Health (DOH), uban sa pakigtambayayong sa City Health Office, Department of Education (DepEd), ug uban pang mga ahensya ug organisasyon ang maong kalihukan. Gipakita niini ang panaghiusa sa publiko ug pribadong sektor aron masiguro nga maprotektahan ang mga kabataan batok sa seryosong mga sakit.
Magpadayon ang bakunahan sa nagkalain-laing public elementary schools sa siyudad sulod sa mga bulan sa Oktubre ug Nobyembre. Busa, hangyo sa CHO ngadto sa mga ginikanan nga suportahan ang programa ug gipahinumduman nga tanan nga nagpabakuna adunay parents’ consent, gumikan kay dili pinugsanay ang pag-avail sa libre nga bakuna kontra komplikasyon nga dala sa mga sakit.
RadyoMaN Kareen Beltran
