‘Bakuna muna bago Eskwela’ giuyonan

39

Davao City – Daghan ang mipadayag sa ilang pag-uyon sa pamahayag ni Presidente Rodrigo Duterte nga dili una ablihan ang klase karong Agosto hangtud walay mahitabong mass vaccination sa nasud.

Usa dinhi si Barangay 76-A Kagawad Randy Ponteras diin iyang gipaboran ang panawagan sa ubang mga ginikanan nga unahon una ang pagbakuna una ang sugdan ang klase karong tuiga.


Segun ni Kagawad Ponteras, lisod kaayo mataptan sa virus ang kabataan kay dili katiawan ug tinuod ang sakit nga miigo sa kalibutan karon busa rasonable lang unahon ang bakuna inay ang pagbukas sa klase karong buwan sa Agosto.

Nasuta sa school year 2019-2020 nga mukabat sa 27.2 milyon ang estudyante sa pampubliko, pribado, ug apil na ang kolehiyo ug muabot sa 28 milyones ka enrollees karong tuiga.

Sa datos gikan sa DepED Planning and Programming Division, ang kindergarten miabot og dul-an tres milyones, dul-an kwatro milyones sa elementarya ug sa una ug ikaduhang ang-ang sa sekondarya, kapin otso milyones sa junior high, ug dul-an tres milyones sa senior high sa tibuok nasud.

Si Senador Sherwin Gatchalian mipadayag sa iyang kabalaka sa dakong epekto sa mga estudyante kung suspensihon ni Pangulong Duterte ang klase karong tuiga.

Sugyot karon sa Senador ngadto kang DepED Secretary Leonor Briones nga magpahigayon og evaluation ug magpatuman og innovation sama sa online classes aron dili mahunong ang pagtuon sa mga kabataan karong tuiga.




Apan gitindugan ni Ponteras nga lakip ang kabataan sa bulnarable nga sektor ug delikado matakbuyan sila sa virus kay basin mao pa kini ang mukutlo sa ilang kinabuhi kung maigo sila sa maong sakit.

Ug tungod ani, gipalanog sa kanhi Professor ang sakto ug maalamon nga desisyon sa pamuno-nasud diha sa pagbabag sa pag-abli sa klase karong Agosto hangtud walay magamit nga bakuna alang sa kaluwasan sa tanang gikan sa COVID-19 pandemic.

Busa dakong tabang ang online classes sa mga estudyante nga naapektaran sa kahimtang karon.

“Makita nato nga tinuod kining virus nga mikaylap sa mga kanasuran mao ng gitawag nga pandemic ug lisod nga atong mga kabataan matakbuyan niining virus. Maong naa’y kampanya ang pipila ka mga ginikanan nga unahon una ang bakuna bag-o ang pag-abli sa klase kay atoang mga kabataan apil baya na sila sa ginatawag nga vulnerable sector niining COVID-19,” segun ni Ponteras.

RadyoMaN Joel Viray

Facebook Comments