Davao City – Ginahisgutan na karon sa Davao City COVID-19 Task Force (TF) nga magbutang og laing venue alang sa ‘Bakuna Nights’ sa Toril ning syudad sa Davao.
Gisulti ni Dr. Michelle Schlosser, Spokesperson sa Davao City COVID-19 TF (sa interbyu sa city-owned radio) nga kini ang tubag sa hangyo sa mga residente o mga trabahante gikan sa south side area sa dakbayan nga dili makahigayon nga makapabakuna sa adlaw batok Coronavirus Disease 2019 (COVID-19).
“I suggested it also sa COVID-19 Task Force meeting namo last Monday and napag-usapan that there might be another site of ‘Bakuna Nights’ sa Toril. So hopefully, that will address sa south side naman na mga trabahante,” sulti ni Schlosser.
Sa pagkakaron, nagpadayon ang ‘Bakuna Nights’ sa San Roque Elementary School sa Barrio Obrero ning syudad diin adunay ginahimo usab nga pa-raffle matag adlaw nga Biyernes.
Aduna usay rekomendasyon nga himuon kada adlaw ang pa-raffle diin kini mag-agad pa kung tugotan sa City Government of Davao aron nga mas daghan pa ang ma-engganyo nga magpabakuna sa pagpapaspas sa vaccination rollout sa dakbayan.
RadyoMaN Kirby Manzon
