Roxas City, Capiz – Padayon ang mass immunization sang City Veterinarian Office sa mga kaidoan sa syudad sang Roxas matapos nga duha ka mga barangay ang may narekord nga nagpositibo sa kaso sang animal rabbies sang 2018./
Ini ang ginalakipan sang barangay sang Balijuagan kag Tanza, Roxas City.
Suno kay City Veterinarian Dr. Roberto Dante Corros nga sang Disyembre 2018 pa nag-umpisa sila nga magpatigayon sang pagbakuna sa mga ido.
Aminado naman ini nga wala sang libre nga anti-rabbies vaccine sa City Vet bangud man sa problema sang supplier nga may kaangtanan sa nagasupply sang Dengvaxia vaccine.
Samtang, iya man nga ginhenyo ang bulig kag kooperasyon sang publiko subong man mga barangay officials para sa mass vaccination.
Suno diri nga bangud sa kakulangan sang ila nga personnel, posible nga maga-extend tubtob sa bulan sang Abril ang pagpangbakuna sa mga ido.
