Pagadian City – Gipahibalo sa lokal nga pangagamhanan sa syudad sa Pagadian nga ang rehistrasyon alang sa pediatric age groups nga 12 hangtud 17 anyos abli na diha sa Vaccination Hub sa Covered Court, Plaza Luz ning dakbayan.
Sa Facebook post, nagtambag ang lokal nga pangagamhanan nga kadtong nalakip sa pediatric group kinahanglan nga morehistro na pinaagi sa pagdala og kopya sa Birth Certificate ug ubanan usab sa presensya sa ginikanan.
Kini aron nga masusi ang gihatag nga impormasyon sa rehistrasyon, ang mga magparehistro kinahanglan nga magdala sa birth certificate gikan sa Philippine Statistics Authority.
Ang pagbakuna sa mga bata nga nag-edad og 12 hangtud 17 anyos nga dunay mga sakit, kinsa nahilakip sa listahan sa A3 priority pagasugdan na karong adlawa gamit ang Pfizer ug Moderna.
Mahinumduman nga nakadawat ang DOH og interim guidelines alang sa pagbakuna sa kabataan nga nag-edad og 12 hangtud 17 anyos.
Dugang pa niya nga ang pagbakuna alang sa tanang mga kabataan sulod sa maong mga pangedaron magsugod na karong adlawa, Nobyembre 3 pataas.
