Magkakaroon na ng “by school vaccination” o bakunahan sa bawat paaralan sa Navotas City.
Ayon kay City Health Officer Dr. Christia Padolina, ito ang naging tugon ng Local Government Unit (LGU) dahil na rin sa hiling ng mga magulang na nahihirapang magpa-schedule ng vaccination ng mga anak dahil mabilis na nauubos ang slot.
Bukod dito, aarangkada rin simula ngayong araw ang pilot-run ng “by school vaccination” hanggang November 19, Biyernes.
Ngayong araw at bukas, November 15 at 16 ay naka-schedule ang mga estudyante sa San Jose Academy bilang ang kanilang pasilidad ang gagamitin sa bakunahan.
Naka-post naman sa official Facebook page ng Navotas ang schedule ng iba pang mga paaralan base sa naging bunutan noong Biyernes.
Facebook Comments
