Kaingon nako kaniadto nga ikaw gahi
Pastilan nganong kadali nimong mutibi?
Ug sa dihang ako mikalit sa paglingi
Imong dagway sa television nahiwi.
Kaduha na gyud kini mahitabo
Haskang dalia ra gyud mubakho
Imong mga luha kadali ra mutulo
Kay gisakitan ka sa panghitabo.
Dugay naku nagtuo nga ikaw astig
Kun kaisog kanimo wa pay makalupig
Nasakitan kay imong pulis naduhig
Imung luha sa aping daw nagtubig.
Pero daghan nibilib kang General Bato
Ang uban miingon nga O.A na kaayo
Imbestigasyon sa EJK sa senado
Sentimental ug murag drama sa radyo.
Kasamang Erin Lumosbog
Facebook Comments
