Gihanyagan pag usab ni Mayor Inday Sara
Localized peacetalk ang mga komunista
Buot nya matuldukan nang ensurhensya
Daghang kinabuhi naamong tungod sa gyera.
Dawaton kaha sa mga komunista ang hanyag?
Mao ra bay bisyo ani nila magsige ug pabuyag
Kanunay ang kasamok maoy ilang ginasabwag
Wala na gyud matuno murag gitarang yabag.
Nisamot karon kadako ang akong pagduda
Localized peacetalk dawaton sa mga komunista
Ilabina na nga gibandilyo ni kasamang Joma
Peace talks tali sa gobyerno ilang gibasura.
Kini man gud si President Rodrigo Duterte
Pasurenderon ang mga New People’s Army
Kasamang Joma nasuko ug karong nanganti
Ilang ilusad ang mga makapabungog nga ataki.
Apan si Digong sa bahad ni Joma wala mahuraw
Sundalo ug pulis sa ilang plano maoy mubaraw
Kanus-a pa kaha sa hingpit makab-ot ang kalinaw?
Dili makab-ot kuno tungod sa idolohiyang inamaw.
Kasamang Erin Lumosbog
