Daghan na diay ang naka-apas
Duha ang naabtan sa dimalas
Kinsang dagon way paghupas
Kinsa sa duha ang ma-todas?
CHR karon ang unang casualty
Gikondena man gud ang EJK
Grabe kung maka atake sa PNP
Gumikan sa mga criminality.
Ikaduha ang supreme court
Chief justice wa mahimuot
Kaso ila na karong gipaabot
Akusasyon kuno pulos botbot.
Murag kini ang ilang padungan
Mu resign sa ilang katungdanan
Aron adunay pundo ang buhatan
Ug sa impeachment dili na dut-an.
Ang kasaysayan magbalik-balik
Simple lang ang piktos ug witik
Nakapabor hilom nga mi agik-ik
Kinsa kaha ang unang mutig-ik?
Kasamang Erin Lumosbog
Facebook Comments
