KAGAWASAN NI PADER CHITO
Hingpit na ang kagawasan ni Pader Chito
Naka-ipsot gikan sa teroristang grupo
Maute ISIS wala na kuno magkadima-o
Natarantar kay duol na ang sundalo.
Parokyano ni pader labihan ang kalipay
Nagtuo sila ang pari sa Maute gipatay
Gibating kabalaka nipuli ang kahupay
Pader Chito sa mga otoridad gipapahuway.
Maute ISIS kuno mura nag irong buang
Hadlok masanggi nagsige nalag kamang
Dagway sa Maute ISIS murag bakukang
Karon sundalo napud ang nakalamang.
Patay na ang Maute brother ingun ni pader
Maute ISIS wala na kunoy klarong lider
Gusto nakung makita ang usa ka kumander
Si Esnilon Hapilon asa pa kaha nag cover?
Iampo ta nga magmalinawon na ang Marawi
Sundalo, sibilyan ug mga hostages malibre
Nasayod kung adunay plano ang presidente
Alang sa mga Muslim ug kristyanong residente.
RadyoMan Erin Lumosbog
