PEACE TALK WALA NAY TSANSA?
Mao na gyud kini ang linugdangan
Mihukom na ang atong kagamhanan
Gobyerno iya na karong gituldukan
Peace talks ngadto sa mga pulahan.
Miluwat na ug pamahayag ang pangulo
Peace talk wala na sa iyang mga plano
Wala nay amor sa komunistang grupo
Sige’g pangambush sa pulis ug sundalo.
Gihatag ang demand sa mga komunista
Halos nalang tanan paborable sa ilaha
Apan unsay ilang gisukli mga kasama?
Dili nila buot ihunong ang insurhensya.
Usa lang ang hangyo ni President Duterte
Tama na ang pagpangatake sa mga rebelde
Ihunong ang extortion sa mga negosyante
Nisi-aw hinuon kay kumunista traydor lagi.
Armadong kusog sa nasod iyang i-moderno
World class ug dekalibre nga mga sundalo
President Duterte maoy iyang mga plano
Suportahan nato ang program sa pangulo.
RadyoMan Erin Lumosbog
