LANDSLIDE
Mikalit ang yuta ug bato sa pagdahili
Pastilan puerti na diay’ng dakoa sa liki
Maayo gani paghagsa dunay nakalingi
Simbako ug maligiran siguradong tipi.
Bantay kay naglandslide sa Diversion
Residente namakwit sa relokasyon
Nanghipos ingun man namutos gilayon
Yuta’g bato midahili sa karsada mitabon.
Landslide naka-apekto’g dako sa trapiko
Dagan sa mga sakyanan huot kaayo.
Giimplementar ang re-routing sa CTTMO
Nangatanggong rason miinit ang ulo.
Adunay pasalig ang dpwh sa katawhan
Clearing operation ila kunong paspasan
Aron diversion road pwedi na maagian
Ingun man luwas sa peligro ang tanan.
RadyoMan Erin Lumosbog
Facebook Comments
