Kinsa man diay nagadawatan sa TARA?
Mga empleyado sa buhatan sa adwana
Wa gyuy miangkon sa minilyon kasama
Suborno sa sindikato sa maong ahensya.
Unsa gyuy padungan sa inquiry sa senado?
Faeldon si Senador Ping Lacson gibisto
Senador aduna kunoy gi smuggle nga semento
Pastilan kamaayo rang pakungon sa mga ulo.
Hasta among konsehal intawon sa isyu nadamay
Hangtud karon sa iyang tubag wa mupabuhagay
Konsehal nag leave kay lagi kuno nipahuway
Iyang tubag sa mga pangutana sa isyu muhupay.
Kasama uyon ka nga ang Customs i-abolish?
Ahensya gisalagan kuno sa mga adunay ekis
Smuggler minilyon ang sinimana gi-release
Matag alas tres sa adlaw nga Biyernes.
Kasama ato nalang gyud nga paaboton
Unsay linugdangan sa ilang imbestigasyon?
Sa balaod manubag ang mga masinupakon
Opisyal ug smuggler sa kaso angay pagataralon.
Kasamang Erin Lumosbog
