Kanus-a mahunong ang pinatyanay?
Daghan nang kinabuhi ang natibway
Unsay rason sa ilang panag-away?
Empleyado sa DANECO nanag-unay?
Gipusil patay inhinyero sa DANECO
Otoridad walay suspek nga naaresto
Nakasibat kuno ang mga armado
Pinaagi sa nagpaabot nga motorsiklo.
Hangtud karon wapa gyud masulbad
Blanko gihapon ang mga otoridad
Pagkadaghan sa biktimang nibalit-ad
Membro sa DANECO ang ulo naglabad.
Gubot pas lukot ang maong kooperatiba
Wala naba gyuy tsansa nga magkahiusa?
Kinabuhi nga nakalas haskang sayanga
Bangi sa CDA ug NEA tungod sa kwarta?
Kasamang Erin Lumosbog
Facebook Comments
